Cynhadledd Partneriaeth Bioamrywiaeth Cymru 2025

Cynhadledd PBC 16 & 17 Hydref, Prifysgol Aberystwyth

Archebwch nawr i ymuno â ni yng Nghynhadledd PBC eleni

Ymunwch â ni y mis Hydref hwn ar gyfer Cynhadledd Partneriaeth Bioamrywiaeth Cymru! Mae’r digwyddiad wyneb yn wyneb am ddim hwn yn dod â phobl o bob cwr o Gymru a thu hwnt at ei gilydd i archwilio sut y gallwn gydweithio i adfer bioamrywiaeth a hyrwyddo gwydnwch ecosystemau. Eleni, byddwn yn archwilio sut y gallwn gymryd camau cynaliadwy gyda’n gilydd i sicrhau adferiad natur yng Nghymru. Rydym yn hynod o falch bod y gynhadledd yn cael ei hagor gan y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig, Huw Irranca-Davies (MS). Os ydych chi'n gweithio ar y tir, afonydd, neu ar y môr, yn ymgysylltu â chymunedau, yn cyflawni polisïau, yn cynhyrchu tystiolaeth, neu hyd yn oed yn teimlo’n angerddol ynglŷn â natur – ymunwch â ni.

Argymhellir archebu’n gynnar am fod lleoedd yn gyfyngedig, a bu gordanysgrifio ar gyfer cynadleddau’r gorffennol. Rhoddir lleoedd ar sail y cyntaf i’r felin fel arfer, ond mae PBC yn neilltuo’r hawl i reoli’r archebion er mwyn sicrhau cydbwysedd cynrychioliadol o gynadleddwyr. Rhoddir blaenoriaeth i aelodau rhwydwaith PBC a sefydliadau sy’n ymwneud â chynllunio cadwraeth natur a gwella bioamrywiaeth yng Nghymru.

Gall cynadleddwyr gofrestru ar gyfer y naill ddiwrnod neu’r llall o’r gynhadledd, neu’r ddau. Digwyddiad rhad ac am ddim yw’r gynhadledd, a darperir cinio a lluniaeth ysgafn. Gall cynrychiolwyr hefyd archebu i ymuno â PBC am sesiwn rwydweithio gyda’r nos a gynhelir ym Mhrifysgol Aberystwyth lle bydd bwyd a diodydd ar gael i’w prynu. Rhaid i gynadleddwyr archebu llety’n annibynnol.

Os oes gennych ddiddordeb mewn cyflwyno poster, neu os hoffech gael stondin arddangos, a fyddech cystal ag anfon e-bost

Nodyn

Mae cynhadledd PBC yn defnyddio’r rhaglen 3ydd parti Eventbrite i goladu archebion ac mae’n casglu gwybodaeth fel enw, e-bost, rhif ffôn, cyfeiriad, anghenion dietegol ac anghenion arbennig eraill Gallwch weld polisi preifatrwydd Eventbrite yma. Mae Partneriaeth Bioamrywiaeth Cymru wedi ymrwymo i ddiogelu a pharchu eich preifatrwydd a bydd ond yn defnyddio eich data i bwrpas archebu ar gyfer y gynhadledd, a bydd ond yn dal eich data cyhyd ag y bo’i angen i wasanaethau digwyddiad y gynhadledd. Gallwch weld Polisi Preifatrwydd llawn PBC yma.

Ceir testun sefydlog na ellir ei olygu o fewn Eventbrite sy’n golygu na allwn ddarparu’r broses archebu yn gyfan gwbl yn y Gymraeg. Rydym yn ymddiheuro am yr anghyfleuster hwn.